កណ្ដាល ៖ ព្រឹកថ្ងៃទី២១ ខែកក្កដា ឆ្នាំ២០២២ ក្រោមការចង្អុលបង្ហាញពីឯកឧត្តម គង់ សោភ័ណ្ឌ អភិបាលខេត្តកណ្ដាល ឯកឧត្ដម ណុប ដារ៉ា អភិបាលរងខេត្តកណ្ដាល បានដឹកនាំកិច្ចប្រជុំពិភាក្សាជាមួយគណៈកម្មាធិការចម្រុះខេត្ត ដើម្បីវាយតម្លៃ និងរកដំណោះស្រាយជូនប្រជាពលរដ្ឋពាក់ព័ន្ធនឹងជំនន់ទឹកភ្លៀងដែលកំពុងលិចផ្លូវ ដំណាំ និងផ្ទះសំបែងប្រជាពលរដ្ឋ ស្ថិតនៅភូមិ៤ និងភូមិ៥ សង្កាត់ស្វាយរលំ ក្រុងតាខ្មៅ ។ បន្ទាប់ពីបញ្ចប់កិច្ចប្រជុំហើយ ឯកឧត្ដមអភិបាលរងខេត្ត ក៏បានដឹកនាំក្រុមការងារចុះពិនិត្យទីតាំងយជាក់ស្តែងដើម្បីពន្លឿន និងរៀបចំផែនការបន្ទាន់រំដោះទឹកដើម្បីអោយរួចផុតពីការជន់លិច។
