ខេត្តកណ្ដាល ៖ ព្រឹកថ្ងៃទី០៥ ខែកក្កដា ឆ្នាំ២០២២ ឯកឧត្ដម ណុប ដារ៉ា អភិបាលខេត្តកណ្ដាល ដឹកនាំមន្ទីរជំនាញពាក់ព័ន្ធ លោកអភិបាលរងក្រុងតាខ្មៅ លោកអភិបាលស្រុក និងអាជ្ញាធរឃុំ បានប្រជុំដោះស្រាយបញ្ហាទឹកស្អាត រវាងម្ចាស់អាជីវកម្មទឹកស្អាត ជាមួយប្រជាពលរដ្ឋប្រើប្រាស់ ស្ថិតនៅសង្កាត់រកាខ្ពស់ ក្រុងតាខ្មៅ និងឃុំព្រែកគយ ឃុំទឹកវិល ឃុំស្អាងភ្នំ ស្រុកស្អាង ខេត្តកណ្តាល។ឯកឧត្តមអភិបាលរងខេត្ត ក៏បានថ្លែងអំណរគុណដល់បងប្អូនប្រជាពលរដ្ឋ និងក្រុមហ៊ុនផ្គត់ផ្គង់ទឹកស្អាត ដែលបានសហការ និងចូលរួមដោះស្រាយបញ្ហាដែលជាការលំបាករបស់ប្រជាពលរដ្ឋ ព្រមទាំងទទួលយកនូវយន្តការដោះស្រាយរបស់រដ្ឋបាលខេត្ត ដើម្បីអោយមានទឹកចូលដល់តាមខ្នងផ្ទះដើម្បីប្រើប្រាស់អោយទាន់ពេលវេលា៕
