+++++++++ខេត្តកណ្ដាល៖ ថ្លែងនៅក្នុងកិច្ចប្រជុំបូកសរុបលទ្ធផលការងារប្រចាំខែកុម្ភៈ និងលើកទិសដៅការងារអនុវត្តបន្តខែមិនា ឆ្នាំ២០២៣ កាលពីរសៀលថ្ងៃទី១០ ខែមិនា ឆ្នាំ២០២៣ នៅសាលាខេត្តកណ្ដាល ឯកឧត្តម គង់ រសោភ័ណ្ឌ អភិបាល នៃគណៈអភិបាលខេត្តកណ្ដាល បានមានប្រសាសន៍ថា កិច្ចប្រជនេះមានសារៈសំខាន់ណាស់ ដើម្បីរួមគ្នាពិនិត្យ ពិភាក្សា និងវាយតម្លៃទៅលើវឌ្ឍនភាពនៃការអនុវត្តការងារខែកុម្ភៈ ឆ្នាំ២០២៣ កន្លងមក ដើម្បីរួមគ្នាស្វែងរកដំណោះស្រាយលើបញ្ហាប្រឈមនានាដែលបានជួបប្រទះ សំដៅធ្វើយ៉ាងណាឱ្យការអនុវត្តការងារនៅខែថ្មីទទួលបានលទ្ធផលកាន់តែល្អប្រសើរថែមទៀត។ក្នុងកិច្ចបជុំនេះ ឯកឧត្ដមអភិបាលខេត្ត បានជំរុញដល់មន្ទីរជុំវិញខេត្ត ត្រូវជួយឧបត្ថម្ភគាំទ្រដល់វិស័យកីឡាក្នុងខេត្ត ដោយត្រូវជ្រើសរើសសំរិតសំរាំង កីឡាបាល់ ទាត់បាល់ទេះ ប្រដាល់ជាដើម មកធ្វើការបង្វឹកបង្កើនសមត្ថភាពឲ្យខ្លាំងខ្លា ដើម្បីចូលរួមប្រកួត ក្នុងស៊ីហ្គេមនាពេលខាងមុខទទួលបានជ័យលាភីចំណាត់ថ្នាក់ល្អ សំដៅជួយលើកស្ទួយ និងគាំទ្រដល់វិស័យកីឡាក្នុងខេត្តកណ្ដាលមានការរីកចំរើនឡើង ចូលរួមបំផុសឲ្យប្រជាពលរដ្ឋលេងកីឡា យ៉ាងហោចណាស់ ១ប្រភេទឲ្យបានគ្រប់ៗគ្នាដើម្បីសុខភាព និងសាមគីភាព។
ឯកឧត្ដមអភិបាលខេត្ត បានក្រើនរំលឹកដល់ រដ្ឋបាលសាលាខេត្ត ត្រូវត្រៀមលក្ខណៈរៀបចំកម្មវិធីប្រជុំបូកសរុបលទ្ធផល ការងារប្រចាំឆ្នាំ២០២២ និងលើកទិសដៅការងារឆ្នាំ២០២៣ របស់រដ្ឋបាលខេត្តដែលប្រព្រឹត្តិទៅនៅថ្ងៃទី១៤-១៥ ខែកុម្ភៈខាងមុខនេះ ឲ្យបព្រឹត្តិទៅបានរលូន ដោយត្រូវគិតគូរអំពីសមាសភាពចូលរួមឲ្យបានច្បាស់លាស់ រៀបចំសាលប្រជុំខបានល្អបំផុត និងរៀបចំរបាយការណ៍ របៀបវារៈក្នុងកិច្ចប្រជុំឲ្យបានល្អប្រសើរផងដែរ។ ជាងនេះទៅទៀតមន្ទីរអង្គភាពពាក់ព័ន្ធ ត្រូវត្រៀមលក្ខណៈឆ្លើយតបទៅលើសំណួរដែរអាចនឹងត្រូវបានចោទសួរឲ្យបានគ្រប់ជ្រុងជ្រោយ ក្នុងសន្និសិទ្ធការសែតនៅទីស្ដីការគណៈរដ្ឋមន្ត្រី ឲ្យប្រព្រឹត្តិទៅបានរលូន និងជោគជ័យផងដែរ។បន្ថែមពីលើនេះ ឯកឧត្ដមអភិបាលខេត្ត ក៏បានជំរុញដល់មន្ទីរពាក់ព័ន្ធ ជាពិសេសអាជ្ញាធរស្រុកពញាឮ ត្រូវធ្វើយ៉ាងណាខិតខំ ការរៀបចំកម្មវិធីសង្ក្រាន្តខេត្តកណ្ដាលនៅភ្នំព្រះរាជទ្រព្យឲ្យ ប្រព្រឹត្តទៅបានជោគជ័យ បង្កលក្ខណៈសប្បាយរីករាយ ទាក់ទាញ់ចំណាប់អារម្មណ៏ពីមហាជនមកចូលរួចក្នុងកម្មវិធីសង្ក្រាន្តខេត្តកណ្តាលបានច្រើនកុះករ ត្រូវរៀបចំបរិស្ថានឲ្យស្អាត មានសន្តិសុខសណ្ដាប់ធ្នាប់ល្អ ។
