នៅវេលាម៉ោង៣ទាបភ្លឺ ថ្ងៃអាទិត្យ ១៥កើត ខែមាឃ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី៥ ខែកុម្ភៈ ឆ្នាំ២០២៣ សម្តេចព្រះឧត្តមបញ្ញា កិត្តិបណ្ឌិត ដូង ផង់ នន្ទិយោ សម្តេចព្រះអនុប្រធានថេរសភាព្រះពុទ្ធសាសនាកម្ពុជា សម្តេចព្រះអគ្គាធិការរង នៃអគ្គាធិការដ្ឋានសិក្សាជាតិ សម្តេចព្រះចៅអធិការវត្តមហានន្ទិយនេរញ្ជរារាមនិវេទ ព្រមទាំងអាជ្ញាធរស្រុកពញាឭ និងពុទ្ធបរិស័ទ បានថ្វាយនូវគ្រឿងសក្ការៈបូជា ក្នុងឱកាសពិធីបុណ្យ«មាឃបូជា» នៅភ្នំព្រះរាជទ្រព្យ(ឧត្តុង្គ) ស្ថិតនៅក្នុងស្រុកពញាឮ ខេត្តកណ្ដាល។
