ខេត្តកណ្ដាល ៖ រសៀលថ្ងៃទី២៤ ខែកុម្ភៈ ឆ្នាំ២០២៣ឯកឧត្ដម គង់ សោភ័ណ្ឌ អភិបាលខេត្តកណ្ដាលបានដឹកនាំកិច្ចប្រជុំពិនិត្យ ពិភាក្សាលើការងារអភិវឌ្ឍច្រាំងទន្លេ និងសួនច្បារក្រុងតាខ្មៅ នៅសាលប្រជុំសាលាខេត្តកណ្តាល។កិច្ចប្រជុំបានពិនិត្យ ពិភាក្សាលម្អិត លើគម្រោងហេដ្ឋារចនាសម្ព័ន្ធ ការអភិវឌ្ឍច្រាំងទន្លេ និងការការពារបរិស្ថានបៃតង ឱ្យសមស្របទៅនឹងស្ថានភាពវិវឌ្ឍន៍ជាក់ស្តែងនៃការរីកចំរើនជីវភាពប្រជាពលរដ្ឋ និងសេដ្ឋកិច្ចមូលដ្ឋាន ដែលកកើតក្រោមម្លប់សន្តិភាព និងការអភិវឌ្ឍន៍ ប្រកបដោយគតិបណ្ឌិតរបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។
