ព្រឹកថ្ងៃទី ៤ ខែសីហា ឆ្នាំ ២០២៤ ឯកឧត្តម ណុប ដារ៉ា អភិបាលរងខេត្តកណ្តាល តំណាងឯកឧត្តម គួច ចំរើន អភិបាល នៃគណៈអភិបាលខេត្តកណ្តាល បានដឹកប្រតិភូ គ្រូបង្វឹក និងកីឡាករ-កីឡាការិនី ខេត្តកណ្តាល ចូលរួមពិធីបិទការប្រកួតកីឡាទូកប្រពៃណីខ្នាតអន្តរជាតិ "ទូកនាគ" ទូកផ្កាចារ ទូកកានូ ទូកកាយ៉ាក់ និងទូករ៉ូអ៉ីង ជ្រើសរើសជើងឯកថ្នាក់ជាតិ "ពានរង្វាន់ឯកឧត្តម អភិសន្តិបណ្ឌិត ស សុខា" លើកទី១ ឆ្នាំ ២០២៤ ក្រោមអធិបតីភាពដ៏ខ្ពង់ខ្ពស់ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានសហព័ន្ធទូកកានូ និងរ៉ូអ៉ីងកម្ពុជា ដែលរៀបចំនៅមាត់ទន្លេវ៉ៃគោ ក្រុងស្វាយរៀង ខេត្តស្វាយរៀង។ក្នុងនោះជាលទ្ធផល ក្នុងចំណោមទូកខេត្តកណ្តាល ចំនួនសរុប ៦ ទទួលបានជ័យលាភី ចំនួន ៥ រួមមាន៖មេដាយ ប្រាក់ចំនួន ៤ ១-ទូកផ្កាចារចំណុះ ៥នាក់(នារី) ចម្ងាយ ២00 ម៉ែត្រ។២-ទូកផ្កាចារចំណុះ ៥នាក់(បុរស) ចម្ងាយ ២00ម៉ែត្រ។៣-ទូកនាគចំណុះ ១២ នាក់(នារី) ចម្ងាយ ២00ម៉ែត្រ ។៤-ទូកផ្កាចារចំណុះ ៥នាក់(នារី) ចម្ងាយ ៥00 ម៉ែត្រ-មេដាយ សំរឹទ្ធ៖ចំនួន ១ ១-ទូកនាគចំណុះ ១២ នាក់(បុរស) ចម្ងាយ ២00 ម៉ែត្រ។ដោយឡែកចំពោះពាន ម៉ារ៉ាតុងសមាគមចម្ងាយ ២០០០ ម៉ែត្រ ចំណុះទូក ១២ នាក់(បុរស) ដែលចូលរួមប្រណាំងចំនួន ១១ខេត្ត គឺទូកខេត្តកណ្តាល ទទួលបាន មេដាយមាស៕