++++++++++ខេត្តកណ្ដាល៖ព្រឹកថ្ងៃទី០៩ ខែកញ្ញា ឆ្នាំ២០២៤ ឯកឧត្តម ណុប ដារ៉ា អភិបាលរងខេត្តកណ្តាល និងលោក ផាន់ ឫទ្ធិពល ប្រធានលេខាធិការដ្ឋានខេត្តរៀបចំការបោះឆ្នោតបានអញ្ជើញដឹកនាំកិច្ចប្រជុំជាមួយភាគីពាក់ព័ន្ធ ស្តីពី "ការពង្រឹងកិច្ចសហការ និងវិធានការការពារសន្តិសុខ សុវត្ថិភាព និងសណ្តាប់ធ្នាប់" សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២៤ ដោយបានការអញ្ជើញចូលរួមពី កងកម្លាំងប្រដាប់អាវុធទាំងបី រដ្ឋបាលក្រុង-ស្រុកទាំង១៣ លោកលោក-ស្រីតំណាងគណបក្សនយោបាយ សហគមន៍ អង្គការមិនមែនរដ្ឋាភិបាល និងលោក-លោកស្រីមន្ត្រី ល.ខ.ប កណ្ដាលផងដែរ ។មានប្រសាសន៍ក្នុងកិច្ចប្រជុំនេះដែរ ឯកឧត្តម ណុប ដារ៉ា អភិបាលរងខេត្ត៖បានសម្តែងនូវការកោតសរសើរ និងវាយតម្លៃខ្ពស់ចំពោះលេខាធិការដ្ឋានរៀបចំការបោះឆ្នោតខេត្តកណ្តាល និងមន្ត្រីបោះឆ្នោតគ្រប់លំដាប់ថ្នាក់ អាជ្ញាធរដែនដី កងកម្លាំងមានសមត្ថកិច្ច គណបក្សនយោបាយ សមាគម អង្គការមិនមែនរដ្ឋាភិបាល អ្នកពាក់ព័ន្ធនានា ដែលកន្លងមកតែងតែបាន ចូលរួមអនុវត្ត និងគោរពតាមច្បាប់បោះឆ្នោត បទបញ្ជា នីតិវិធី និងក្រមសីលធម៌ ប្រកបដោយស្មារតី ទទួលខុសត្រូវ និងភាពថ្លៃថ្នូរ មន្ត្រីបោះឆ្នោតភ្នាក់ងារគណបក្សនយោបាយ អ្នកសង្កេតការណ៍ជាតិ និងអន្តរជាតិអ្នកសារព័ត៌មានជាតិ និងអន្តរជាតិ អាជ្ញាធរដែនដីគ្រប់លំដាប់ថ្នាក់ កងកម្លាំងប្រដាប់អាវុធ និងភាគីពាក់ព័ន្ធត្រូវរួបរួមគ្នាគោរពច្បាប់បោះឆ្នោត បទបញ្ជា និងនីតិវិធីរបស់ គ.ជ.ប និងលិខិតបទដ្ឋានគតិយុត្តពាក់ព័ន្ធ ព្រមទាំងក្រមសីលធម៌ឱ្យបានខ្ជាប់ខ្ជួន។ឯកឧត្តមបានបញ្ជាក់ថា៖ចំពោះបញ្ហាសន្តិសុខ សុវត្ថិភាព សណ្តាប់ធ្នាប់សាធារណៈ គណៈបញ្ជាការឯកភាពរដ្ឋបាល ខេត្តកណ្តាល ដែលមាន ឯកឧត្តម គួច ចំរើន អភិបាលនៃគណៈអភិបាលខេត្ត ជាប្រធាន ឯកឧត្តមបានដាក់ចេញនូវផែនការការពារ បានកំណត់យ៉ាងច្បាស់អំពីគោលបំណង មុខសញ្ញា និងគោលដៅសំខាន់ៗដែលត្រូវការពារជាអាទិភាព ព្រមទាំងរៀបចំយន្តការរចនាសម្ព័ន្ធសន្តិសុខបោះឆ្នោត និងរៀបចំកម្លាំងការពារយ៉ាងជាក់លាក់ ដើម្បីឱ្យដំណើរការពិនិត្យ បញ្ជីឈ្មោះ និងការចុះឈ្មោះបោះឆ្នោត ឆ្នាំ២០២៤ ប្រព្រឹត្តទៅក្នុងបរិយាកាសសន្តិសុខល្អប្រសើរ មានសណ្តាប់ធ្នាប់ របៀបរៀបរយ និងសុវត្ថិភាពសង្គម នឹងបន្តផ្តល់ការគាំទ្រ កិច្ចសហការជាមួយអាជ្ញាធរបោះឆ្នោតគ្រប់លំដាប់ថ្នាក់ដើម្បី៖ធានាឱ្យដំណើរការនៃការពិនិត្យបញ្ជីឈ្មោះ និងការចុះឈ្មោះបោះឆ្នោត ក្នុងក្របខណ្ឌ ខេត្តកណ្តាល ប្រព្រឹត្តទៅក្នុងបរិយាកាសសន្តិសុខ សុវត្ថិភាព គ្មានការគំរាមកំហែងគ្មានការបំភិតបំភ័យ គ្មានអំពើហិង្សាផ្សេងៗ និងសម្រេចបានជោគជ័យការពារសន្តិសុខ និងសុវត្ថិភាព សណ្តាប់ធ្នាប់សាធារណៈជូនប្រជាពលរដ្ឋ ភ្នាក់ងារគណបក្សនយោបាយ អ្នកសង្កេតការណ៍ជាតិ អន្តរជាតិ មន្ត្រីបោះឆ្នោតគ្រប់លំដាប់ថ្នាក់ និងរក្សាស្ថិរភាពសម្រាប់ខេត្តកណ្តាលទាំងមូល ចាត់វិធានការបង្ការ រារាំង ទប់ស្កាត់ និងបង្ក្រាបរាល់អំពើល្មើស អំពើវិទ្ធង្សនា និងអំពើ ភេរវកម្មផ្សេងៗ ដែលអាចបង្កឱ្យមានការរាំងស្ទះដល់ដំណើរការពិនិត្យបញ្ជីឈ្មោះ និង ចុះឈ្មោះបោះឆ្នោត។លោក ផាន់ ឫទ្ធិពល ប្រធានលេខាធិការដ្ឋានខេត្តរៀបចំការបោះឆ្នោតបានឱ្យដឹងថា ការចុះបញ្ជីបោះឆ្នោត និងការផ្ដល់សុពលភាពលើបញ្ជីបោះឆ្នោត ឆ្នាំ២០២៤ ចាប់ពីថ្ងៃទី០១ ខែកញ្ញា ដល់ថ្ងៃទី៣០ ខែវិច្ឆិកា ឆ្នាំ២០២៤ លោកបន្តថា លទ្ធផលបណ្តោះអាសន្ននៃការចុះឈ្មោះភ្នាក់ងារគណបក្សនយោបាយ និងការចេញប័ណ្ណជូនអ្នកសង្កេតការណ៍ជាតិ សម្រាប់សង្កេតមើលការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២៤ ភ្នាក់ងារគណបក្សនយោបាយ ១.គណបក្សប្រជាជនកម្ពុជា ឃុំ-សង្កាត់១២៧ ភ្នាក់ងារ១២៧ សរុប២៦៦ ស្រី៧៧ ២.គណបក្សហ្វ៊ុនសុិនបុិច ឃុំ-សង្កាត់១២៧ ភ្នាក់ងារ២៨ ស្រី៧ ចំនួនភ្នាក់ងារសរុប៣០១ ស្រី៨៤ និងអ្នកសង្កេការណ៍ជាតិ ១.សហភាពសហព័ន្ធយុវជនកម្ពុជា គ.ជ.ប អនុញ្ញាតសរុប២៥៩ ស្រី១១៧ ល.ខ.ប ចេញប័ណ្ណសរុប២៥៩ ស្រី១១៧ ២.សមាគមរាជសីហ៍ គ.ជ.ប អនុញ្ញាតសរុប០៦ ល.ខ.ប ចេញប័ណ្ណសរុប០៦ ល.ខ.បបានចុះហត្ថលេខានិងបោះត្រាចំនួនសរុប២៦២ ស្រី១១៦។