ខេត្តកណ្ដាល៖ រសៀលថ្ងៃទី១៣ ខែកញ្ញា ឆ្នាំ២០២៤ ឯកឧត្តម ប៊ុន ផេង អភិបាលរង នៃគណៈអភិបាលខេត្តកណ្តាល បានដឹកនាំកិច្ចប្រជុំស្តីពី ការណែនាំការដឹកវិញ្ញាសារ និងការទុកដាក់ឯកសារវិញ្ញាសារ ប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖០៨ តុលា ២០២៤ ដោយបានការអញ្ជើញចូលរួមពីមន្ទីរអប់រំយុវជន និងកីឡាខេត្តកណ្ដាល អាជ្ញាធរស្រុកខ្សាច់កណ្ដាល និងស្រុកពញាឮផងដែរ។ឯកឧត្តម ប៊ុនផេង អភិបាលរងខេត្តកណ្ដាល បានណែនាំឲ្យអាជ្ញាធរស្រុកទាំងពីរត្រូវរកកន្លែងទុកដាក់ឯកសារឲ្យបានត្រឹមត្រូវ និងដាក់កម្លាំងយាមឲ្យបានល្អ ដើម្បីកុំឲ្យបែកធ្លាយនៅវិញ្ញាសាប្រឡង។