នារសៀលថ្ងៃទី១៣ ខែតុលា ឆ្នាំ២០២៤ ឯកឧត្ដម គួច ចំរើន អភិបាល នៃគណៈអភិបាលខេត្តកណ្ដាល ក្រោយពីទទួលដំណឹង ថាមានករណីក្មេងលង់ទឹក ឯកឧត្ដមបានចុះពិនិត្យ និងដឹកនាំបញ្ជាស្វែងរកផ្ទាល់នៅនឹងកន្លែងកេីតហេតុ ដោយបានការចូលរួម ពីសំណាក់ កងកម្លាំងមានសមត្ថកិច្ច និងអាជ្ញាធរស្រុកកណ្ដាលស្ទឹង ប្រជាការពារ និងប្រជាពលរដ្ឋ បានចូលរួមស្វែងរកសពក្មេងស្រី ឈ្មោះ តក់ ស្រីតី អាយុ០៣ ឆ្នាំដែលបានលង់ទឹកកាលពីម៉ោងប្រហែល ១០ៈ៣០នាទីព្រឹក ថ្ងៃទី១៣ ខែតុលា ឆ្នាំ២០២៤ នៅចំណុចក្នុងស្ទឹងព្រែកត្នោត ស្ថិតនៅក្នុងភូមិកំពង់ទូល ឃុំអន្លង់រមៀត ស្រុកកណ្តាលស្ទឹង ខេត្តកណ្ដាល ហើយរហូតមកដល់ម៉ោង១៦:០០នាទីទេីបរកឃើញ ដោយជនរងគ្រោះបានស្លាប់បាត់ទៅហេីយ។
