ខេត្តកណ្ដាល៖ ព្រឹកថ្ងៃទី០៤ ខែវិច្ឆិកា ឆ្នាំ២០២៤ ឯកឧត្តម នុត ពុធដារ៉ា អភិបាលរងខេត្តកណ្តាល តំណាងឯកឧត្តម គួច ចំរើន អភិបាល នៃគណៈអភិបាលខេត្តកណ្តាល ព្រមទាំងអាជ្ញាធរស្រុកស្អាង បានអញ្ជើញគោរពវិញ្ញាណក្ខន្ធ សពព្រះចៅអធិការព្រះនាមកាលទាយកោ យ៉ាន់ យឺន ចៅអធិការវត្តមង្គលវ័ន្ត(ហៅវត្តកណ្ដាល) ស្ថិតនៅ ឃុំទឹកវិល ស្រុកស្អាង ខេត្តកណ្ដាល ដែលអនិច្ចធម្មនៅថ្ងៃពុធ ១៣រោច ខែអស្សុជឆស័ក ព.ស ២៥៦៨ ត្រូវនឹងថ្ងៃទី៣០ ខែ តុលា ឆ្នាំ២០២៤ វេលាម៉ោង ១២,៥០ នាទីថ្ងៃត្រង់ ក្នុងជន្មាយុ ៨៦ព្រះវស្សា ដោយជរាពាធ។
