ខេត្តកណ្តាល៖ព្រឹកថ្ងៃទី ១៧ ខែ ឧសភា ឆ្នាំ ២០២១ លោកជំទាវ ហ៊ុន កុសនី អភិបាលរងខេត្តកណ្តាល បានដឹកនាំក្រុមការងារ ចុះសួរសុខទុក្ខ បុគ្គលិកពេទ្យដែលយកសំណាកធ្វើតេស្តរក មេរោគកូវីដ-១៩ រងរបួសរលាកអាល់កុល ខណៈពេលកំពុងបំពេញការងារ ។
លោកជំទាវ ហ៊ុន កុសនី អភិបាលរងខេត្តបានសំដែងនូវការសោកស្តាយ និងអាណិតអាសូរចំពោះហេតុការណ៍ ដែលបានកើតឡើងមកលើគ្រូពេទ្យរបស់យើង។
ក្នុងឱកាសនោះ លោកជំទាវ អភិបាលរងខេត្តបានអរគុណដល់ក្រុមគ្រូពេទ្យដែលយកសំណាកធ្វើតេស្តរកមេរោគ កូវីដ-១៩ ទាំងអស់ ដែលបានខិតខំ បំពេញភារកិច្ចទទួលខុសត្រូវ ដោយមិនរុញរា ក្នុងបេសកកម្មនេះ ដើម្បីបុព្វហេតុជាតិមាតុភូមិ និងប្រជាជន និងសូមអោយគាត់ខិតខំព្យាបាលថែទាំជំងឺអោយជាសះស្បើយ ចាំទៅបំពេញភារកិច្ចវិញ ។
សូមបញ្ជាក់ថាអំណោយដែលផ្តលជូននាពេលនេះរួមមាន៖អង្ករ៥០គីឡូក្រាម ,មី១កេស,ទឹកត្រី១យួរ,ទឹកស៊ីអ៉ីវ១យួរ,ត្រីខ២យួរ ,និងថវិកាចំនួន១លានរៀល៕
